martes, 26 de decembro de 2017

CATÁLOGO FOTOGRÁFICO


A calidade das persoas entrevistadas na curtametraxe "Entre o rio e o mar", queda reflectida nesta imaxe tan fermosa que quedou incluida no catálogo fotográfico do GALP Golfo Ártabro Norte do ano 2017, e realizada por Mandeo Records.


ENTRE O RÍO E O MAR


O día 21 de decembro nos Cines Duplex de Ferrol, presentáronse os traballos audiovisuais realizados polos alumnos de 3º e 4º ESO do CPI A Xunqueira de Fene, CPI As Mirandas de Ares e o noso IES Breamo de Pontedeume. Estes tres centros foron seleccionados polos seus proxectos, para producir tres curtametraxes realizadas polo alumnado.
Estas curtametraxes tiveron como fin a posta en valor dos oficios tradicionais e as paixases mariñeiras do Golfo Ártabro Norte, a traves do programa Vidas Mariñeiras coordinado polo grupo de acción local do Golfo Ártabro Norte.
O traballo presentado polos sete alumnos de 3º ESO do noso centro foi "Entre o río e o mar" e como eles mesmos indicaron na súa presentación, todo,as imaxes,as tomas, a narración, as ideas ata a música foi creado por eles mesmos coa axuda na súa montaxe do cineasta de Numax Marcos Florez.









xoves, 14 de decembro de 2017

MÚSICA PARA A CURTAMETRAXE

Xa queda menos para a estrea da curtametraxe, esta mañá visitounos Marcos e fixemos a gravación da música.










sábado, 2 de decembro de 2017

SONORO EMPEÑO

Novembro, 29, 2017.  Alumnos de bacharelato visitan a exposición Sonoro empeño, na sede de Afundación en Ferrol. Sonoro empeño de artistas galegos por representar de forma plástica a esencia da música.











 


 


luns, 20 de novembro de 2017

GRAVANDO


Sete rapaces de 3º ESO A están a participar na gravación dunha curtametraxe sobre as vidas mariñeiras en Pontedeume. Suporá un reto importante dende varios puntos de vista, tamén dende o musical. Onte foi unha tarde de gravación única, pola luz tan bonita do outono, e pola calidade das persoas que participaron e contestaron ás preguntas que lles propuxeron. Grazas tamén a Marcos polo seu bo facer aprendéndolles aos rapaces.







sábado, 18 de novembro de 2017

CANTANDO NO SAMAÍN



Sobre estas fotos inquietantes feitas e editadas polos rapaces de 4º ESO o 31 de outubro, os de 2ºESO interpretaron a súa canción de Samaín.


xoves, 16 de novembro de 2017

INICIAMOS A NOSA ANDAINA



En setembro, os rapaces de 4º ESO fixemos unha saida ao entorno na procura da nosa concentración. Atopamos ademáis tranquilidade, natureza, amizade, xogo.... e unha dor insistente nalgún pé.


Con todo iso crearon a súa  "Invención musical sobre un paseo a Zopazos"

April in Paris

 Todavía estaba pendente a montaxe deste vídeo gravado xa un día a finais de marzo na biblioteca, un traballo do alumnado de Analise Musical...